Exhibition: Towards European Elections 2024
In the grounds of the Jean Monnet House, view the new temporary exhibition on the European elections open to school groups and the general public until the day of the vote next June.
Dar Jean Monnet f'Bazoches-sur-Guyonne hija mimlija storja: fiha l-istatista ħadem bla heda għal għexieren ta' snin. L-attivitajiet multimedjali tagħha juruk l-impatt ta' Jean Monnet fuq l-Ewropa tal-lum u kif l-istituzzjonijiet Ewropej jaffettwawlek ħajtek.
Din id-dar, li tinsab 45 km fil-Punent ta' Pariġi, kienet post ideali biex Monnet jirtira mill-konfużjoni tal-belt kapitali Franċiża u jiżviluppa l-viżjoni li kellu għall-paċi fl-Ewropa.
Id-dħul huwa bla ħlas u ż-żjarat jieħdu madwar siegħa.
Mit-Tnejn sal-Ġimgħa | Is-Sibt u l-Ħadd | |
---|---|---|
10.00 − 17.00 | 10.00 − 18.00 |
Il-mużew ikun magħluq: fl-1 ta' Jannar, fl-24, il-25 u l-31 ta' Diċembru.
Viżitaturi individwali u gruppi ta' inqas minn 6 persuni m'għandhomx bżonn jibbukkjaw minn qabel biex iżuru l-mużew. Il-viżitaturi jistgħu jgawdu l-wirja bir-ritmu tagħhom, bl-għajnuna tal-gwidi multimedjali disponibbli bil-Franċiż, bl-Ingliż u bil-Ġermaniż.
Il-gruppi ta' aktar minn 10 persuni jridu jibbukkjaw minn qabel, kemm għall-gwida multimedjali kif ukoll għaż-żjarat gwidati.
Iż-żjarat bi gwida multimedjali huma disponibbli bil-Franċiż, bl-Ingliż u bil-Ġermaniż u jridu jiġu bbukkjati mhux inqas minn ġimagħtejn qabel.
Iż-żjarat gwidati huma disponibbli bil-Franċiż, bl-Ingliż, bil-Ġermaniż, bl-Ispanjol u bit-Taljan. Dawn iridu jiġu bbukkjati mill-inqas 4 ġimgħat minn qabel u jistgħu jitfasslu skont l-interessi tal-grupp. Jistgħu jiffukaw fuq varjetà ta' temi mill-Unjoni Ewropea llum sal-perspettiva storika tal-paċi fl-Ewropa.
Jistgħu jiġu organizzati wkoll workshops kreattivi għall-gruppi tal-iskola sabiex l-istudenti jkunu jistgħu jiskopru kwistjonijiet bħaċ-ċittadinanza Ewropea u kif l-Ewropa twieġeb għat-tibdil fil-klima.
Biex tibbukkja żjara fi grupp, jekk jogħġbok ċempel fuq dawn in-numri:
+33 (0)1 34 86 12 43
+32 (0)2 28 41 357
Jean Monnet twieled u trabba f'familja ta' produtturi tal-cognac u qatta' ħajtu jaħdem bejn pajjiż u ieħor. Minn dejjem kien konvint li n-nies ikunu f'qagħda aħjar meta jingħaqdu flimkien. Huwa beda l-karriera tiegħu fin-negozju tal-familja u aktar tard ħadem fil-finanzi internazzjonali. Matul iż-żewġ Gwerer Dinjija, kien strumentali biex jikkonvinċi lill-Alleati jaħdmu flimkien.
Wara l-1945, Monnet ħadem biex tinstab soluzzjoni permanenti ħalli l-gwerra ma terġax tinbet fit-territorju Ewropew. Bil-ħsieb li r-rivalità bejn Franza u l-Ġermanja tinġieb fi tmiemha, Monnet u Robert Schuman żviluppaw pjan għall-pajjiżi Ewropej biex jaqsmu l-produzzjoni tal-faħam u l-azzar, u dan wassal għall-ħolqien tal-ewwel Komunità Ewropea – il-Komunità Ewropea tal-Faħam u l-Azzar – u witta t-triq għal aktar kooperazzjoni Ewropea.
Is-sigurtà u s-sikurezza huma prijoritajiet għall-Parlament Ewropew. Għal dik ir-raġuni, hemm fis-seħħ għadd ta’ miżuri ta’ sigurtà fil-binjiet tagħna u madwarhom. Sabiex niżguraw żjara sikura għal kulħadd, nistednuk taqra u tikkonforma ma’ dawn il-miżuri:
Aġġornata l-aħħar: 11/2023