Il-Parlamentarium Simone Veil
The plenary session will take place from Monday, December 16 to Thursday, December 19.
Il-Parlamentarium jiddeskrivi l-proċess għat-tfassil ta' liġijiet għall-Ewropa kollha, u jispjega l-ħidma tal-Membri tal-Parlament Ewropew biex jingħelbu l-isfidi tal-lum. Il-viżitaturi jistgħu wkoll isiru jafu aktar dwar il-Membri kollha tal-Parlament Ewropew u jikkuntattjawhom. Iż-żjarat huma disponibbli bl-24 lingwa uffiċjali kollha tal-Unjoni Ewropea
Ħinijiet tal-ftuħ
| Barra s-sessjonijiet plenarji | Mit-Tnejn sal-Ġimgħa | Is-Sibt |
|---|---|---|
| 09:00−18:00 | 09:30 − 12:00 ; 13:00 − 18:00 |
L-aħħar dħul: 17:00.
| Matul is-sessjonijiet plenarji | It-Tnejn | It-Tlieta, l-Erbgħa |
|---|---|---|
| 09:30 - 12:00*; 17:00 - 18:00 | 09:00 - 12:00; 15:00 - 18:00 |
| Il-Ħamis | Il-Ġimgħa* | |
|---|---|---|
| 09:00 - 12.00 | 09:00 - 18:00 |
| Is-Sibt* | ||
|---|---|---|
| 09:30 - 12:00 ; 13:00 – 18:00 |
*Nhar ta’ Tnejn filgħodu (09:30 − 12:00) u l-Ġimgħa (09:00 − 18:00), matul il-ġimgħat tal-plenarja, iż-żjarat individwali huma possibbli bi gwida multimedjali mingħajr prenotazzjoni minn qabel. Madankollu, waqt dawn il-ħinijiet ma jseħħux dibattiti fl-Emiċiklu.
Il-Parlament Ewropew ikun magħluq nhar ta’ Ħadd, kif ukoll fil-ġranet tal-għeluq tal-uffiċċju u fil-festi pubbliċi.
Fl-2024: 01-05/01, 20/02, 29/03, 01/04, 26/04, 01/05, 9/05, 20/05, 15/08, 01/11, 23/12-03/01/2025.
Min kienet Simone Veil?
Il-Parlamentarium fi Strasburgu huwa msemmi għal Simone Veil, l-ewwel president wara li bdew l-elezzjonijiet Ewropej u l-ewwel mara li kellha din il-kariga. Bħala superstita tal-Olokawst, il-mandat tagħha bħala President mill-1979 sal-1982 huwa simboliku ferm, u juri l-qawwa tar-rikonċiljazzjoni Ewropea. Il-ġlieda għall-ugwaljanza bejn is-sessi u d-drittijiet tal-bniedem kienet karatteristika ewlenija fil-ħajja ta' Veil, li għamlet kampanji kontra l-inġustizzji li għexet direttament.
Aċċessibbiltà
Il-Parlament Ewropew huwa impenjat li jtejjeb kostantement l-aċċess għall-persuni b'diżabilità. Jekk inti jew xi ħadd mill-grupp tiegħek għandkom bżonn assistenza speċjali, jekk jogħġbok avżana minn qabel.
Sigurtà
Is-sigurtà u s-sikurezza huma prijoritajiet għall-Parlament Ewropew. Għal dik ir-raġuni, hemm fis-seħħ għadd ta’ miżuri ta’ sigurtà fil-binjiet tagħna u madwarhom. Sabiex niżguraw żjara sikura għal kulħadd, nistednuk taqra u tikkonforma ma’ dawn il-miżuri:
- Huwa meħtieġ dokument tal-identità validu (karta tal-ID jew passaport) biex tidħol fil-binjiet tal-Parlament Ewropew. Jekk irreġistrajt minn qabel u pprovdejt id-dettalji tad-dokument tal-identità tiegħek, trid iġġib dan l-istess dokument lill-Parlament dakinhar taż-żjara tiegħek.
- Fotokopji tal-karti tal-identità u tal-liċenzji tas-sewqan mhumiex aċċettati.
- Minorenni taħt l-14-il sena jeħtiġilhom ikunu akkumpanjati minn adult.
- Il-viżitaturi u l-basktijiet kollha jista’ jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. L-armi tan-nar, is-sustanzi splussivi jew fjammabbli, l-isprays tal-bżar, oġġetti li jaqtgħu u oġġetti oħra li jistgħu jitqiesu bħala armi huma pprojbiti. Skont il-leġiżlazzjoni nazzjonali, ċerti oġġetti pprojbiti jistgħu jingħataw lill-pulizija.
- L-ebda trolley, bagalja, jew bagalja kbira oħra mhuma permessi fil-binjiet.
- L-annimali huma permessi fil-bini biss bħala gwidi mħarrġa għall-persuni neqsin mid-dawl jew biex jassistu lill-persuni b’mobbiltà mnaqqsa.
- Jekk ikun inħareġ pass ta’ aċċess, il-viżitaturi jridu jilbsuh b’mod viżibbli waqt li jkunu fil-binjiet tal-Parlament.
- Ir-ritratti u l-iffilmjar huma permessi fiż-żona tal-viżitaturi, iżda huma pprojbiti fiż-żona tas-sigurtà u fil-gallerija tal-Emiċiklu waqt is-sessjonijiet plenarji u anki fir-ristoranti u l-barijiet. Għal aktar informazzjoni, jekk jogħġbok ikkonsulta r-Regoli li Jirregolaw ir-Reġistrazzjonijiet fil-Binjiet tal-Parlament Ewropew.
- Jekk jibda jdoqq l-allarm tan-nar, oħroġ mill-bini immedjatament mingħajr ma tiġri u segwi l-istruzzjonijiet mogħtija mill-persunal tas-sigurtà u l-voluntiera tal-evakwazzjoni.
- Għal kwalunkwe emerġenza tas-sikurezza, ċempel 33112 minn kwalunkwe telefown intern.
- Xi oqsma huma soġġetti għal sorveljanza bil-vidjo skont il-Politika ta’ Protezzjoni bil-Vidjos tal-Parlament Ewropew.
- Il-maskra tal-wiċċ mhix obbligatorja. Jekk jixtiequ, il-viżitaturi jistgħu jilbsuha.
- Jekk ma tkunx qed tħossok tajjeb, jekk jogħġbok ibqa’ d-dar u pposponi ż-żjara tiegħek. Nieħdu pjaċir nilqgħuk lura meta tħossok aħjar.
Aġġornata l-aħħar: 10/2024
