L-avvenimenti u l-wirjiet fi Strażburgu 

L-avvenimenti u l-wirjiet fi Strażburgu

Strasburgu
Parlament Ewropew

Rawwem il-kurżità tiegħek u idħol fil-fond tal-istorja, il-kultura u l-arti permezz ta' avvenimenti u wirjiet waqt iż-żjara tiegħek.

L-avvenimenti u l-wirjiet fi Strażburgu

Strasburgu
Parlament Ewropew

2nd JUNE : ADDITIONAL OPENING of the European Parliament in Strasbourg


One week before the European elections, the European Parliament in Strasbourg will exceptionally open its doors on Sunday June 2 from 09:30-12:00 and 13:00 – 18:00 (last entry at 17:00).


Following a change in the agenda of Xavier Lacaille and Noé Debré, main actor and screenwriter of the Parliament series, the proposed program for June 2 is entirely cancelled (meeting with the artists and guided tours of the exhibitions).


We thank you for your understanding and hope to see many of you there!

Il-kultura, l-arti u l-avvenimenti jagħmlu lill-Parlament Ewropew fi Strażburgu post eċitanti fejn dak li jkun jibqa' jitgħallem u fejn isiru skambji. Nieħdu dejjem gost nerġgħu nilqgħuk biex tiskopri xi ħaġa ġdida kull darba li tiġi żżurna. 

Minbarra ż-żjara tal-Emiċiklu, li hi żjara li mhux ta' min jitlifha, tista' wkoll tesplora wirjiet permanenti u temporanji waqt iż-żjara tiegħek. Matul is-sena jseħħu ħafna avvenimenti fil-Parlament Ewropew. Agħmel bookmark ta' din il-paġna, inkiteb man-newsletter jew segwi "Parlement Européen – Strasbourg" fuq il-midja soċjali biex iżżomm ruħek aġġornat dwar dak kollu li jkun għaddej. 

Il-wirjiet

Il-Parlamentarium Simone Veil

Il-Parlamentarium Simone Veil, li hu msemmi għall-ewwel President mara tal-Parlament Ewropew, huma spazju immersiv biex tifhem kif id-demokrazija Ewropea taħdem. Permezz ta' tagħmir interattiv, tista' tara min jirrappreżentak fil-livell Ewropew, u x'qegħdin jagħmlu biex jiffaċċjaw l-isfidi tal-lum il-ġurnata. Il-materjal huwa disponibbli bl-24 lingwa uffiċjali tal-Unjoni Ewropea.

Tgħallem aktar dwar il-Parliamentarium Simone Veil

 

Għażla ta' rigali ta' Protokoll mogħtija lill-Parlament Ewropew

Din il-wirja tiġbor fiha rigali mogħtija lill-Parlament Ewropew fl-aħħar deċennji. Il-Parlament Ewropew ta' spiss jilqa' kapijiet ta' Stat jew mistiedna distinti oħrajn waqt is-sessjonijiet plenarji tiegħu, u l-iskambju tar-rigali hija parti ċerimonjali taż-żjara uffiċjali. L-iskambju tar-rigali jissimbolizza l-ħbiberija bejn il-popli u l-pajjiżi, u kull oġġett jirrappreżenta l-patrimonju kulturali tal-pajjiż li jkun tah. Ejja ara din il-kollezzjoni partikolari li titfa' dawl fuq dan l-aspett uniku tal-ħajja parlamentari.

 

 

Louise Weiss: Ewropea impenjata

Skopri l-istorja ta' mara li, permezz tal-ħidma tagħha bħala attivista, ġurnalista, kittieba u Membru Parlamentari, appoġġjat l-idea Ewropea u ħalliet impatt sinifikanti fuq l-Ewropa. Illum, il-bini prinċipali tal-Parlament Ewropew fi Strażburgu huwa msemmi għaliha. Il-wirja tinsab disponibbli bil-Franċiż, bil-Ġermaniż u bl-Ingliż fuq il-post, jew b'24 lingwa permezz tal-kodiċi QR. 

Tgħallem aktar dwar Louise Weiss

 

Id-Dikjarazzjoni ta' Schuman

Tgħallem dwar id-Dikjarazzjoni ta' Schuman, mill-problemi li ħabbtet wiċċha magħhom l-Ewropa fl-1950 sar-raġel li ta ismu lid-dikjarazzjoni storika. Din il-wirja tispjega għaliex niċċelebraw Jum l-Ewropa fid-9 ta' Mejju u kif il-Parlament Ewropew ġie stabbilit fi Strażburgu. Hija disponibbli bil-Franċiż, bil-Ġermaniż u bl-Ingliż fuq il-post, jew b'24 lingwa permezz tal-kodiċi QR. 

Tgħallem aktar dwar id-Dikjarazzjoni ta' Schuman

L-Avvenimenti

Matul is-sena kollha, fil-Parlament Ewropew iseħħu avvenimenti kbar. Dawn jinkludu Jum l-Ewropa f'Mejju, iċ-Ċerimonja tal-Premju LUX tal-Udjenza f'Ġunju, Jiem il-Patrimonju f'Settembru, u ċ-Ċerimonja tal-Premju Sakharov f'Diċembru. Tista' tieħu sehem f'dawn l-avvenimenti bħala viżitatur u b'hekk tkun tista' tara lat ġdid tal-Parlament Ewropew. Żomm għajnejk fuq din il-paġna biex tkun taf x'avvenimenti jmiss.  

Il-Parlament Ewropew fi Strażburgu b'mod regolari jorganizza avvenimenti online u jiltaqa' ma' organizzazzjonijiet tas-soċjetà ċivili mir-reġjun ikkonċernat. Irreġistra fuq flimkien.eu biex tkun minn tal-ewwel li ssir taf meta se jiġu organizzati l-avvenimenti li jmiss.

Map

Parlament Ewropew

Bangunan Louise Weiss
1 Allée du Printemps
F-67070 Strasbourg cedex

Kuntatt

Kif tasal hemm

Jekk jogħġbok ikkonsulta l-website tal-SNCF (ferrovija Franċiża).

Diżabilità motorja

Informazzjoni prattika