Shaping Europe
The visitors and citizen’s unit of the European parliament in Strasbourg will offerfrom the 30th April to 4th June 2024, guided tours in French, German and English of the exhibition “Shaping Europe. The history of European elections”.
Imeachtaí agus Taispeántais in Strasbourg
Imeachtaí agus Taispeántais in Strasbourg
Strasbourg
Pharlaimint na hEorpa
Sásaigh d’fhiosracht agus téigh ag tóraíocht sa stair, sa chultúr agus san ealaín le linn do chuairte ag imeachtaí agus taispeántais.
Imeachtaí agus Taispeántais in Strasbourg
Strasbourg
Pharlaimint na hEorpa
Leis an gcultúr, an ealaín agus imeachtaí, is áit spreagúil í Parlaimint na hEorpa in Strasbourg inar féidir foghlaim agus malartú a dhéanamh de shíor, ina mbíonn fáilte ar ais romhat i gcónaí chun rud nua a aimsiú gach uair.
Sa bhreis ar an gcuairt thábhachtach ar an Seomra Tionóil, is féidir eolas a chur ar na taispeántais bhuana agus shealadacha freisin le linn do chuairte. Tarlaíonn go leor imeachtaí i bParlaimint na hEorpa i gcaitheamh na bliana. Déan leabharmharcáil ar an leathanach seo, cláraigh don nuachtlitir nó lean ‘Parlement Européen – Strasbourg’ ar na meáin shóisialta chun an t-eolas is déanaí a fháil faoi gach rud atá ar siúl.
Taispeántais
Parlamentarium Simone Veil
Is spás tumthach é Parlamentarium Simone Veil, atá ainmnithe don chéad Uachtarán mná ar Pharlaimint na hEorpa, inar féidir tuiscint a fháil ar an tslí a bhfeidhmíonn an daonlathas Eorpach. Le gléasanna idirghníomhacha, is féidir leat a fháil amach cé a dhéanann ionadaíocht ort ar leibhéal Eorpach, agus cad atá ar siúl acu chun dul i ngleic le dúshláin an lae inniu. Tá an t-ábhar seo ar fáil i 24 theanga oifigiúla an Aontais Eorpaigh.
Tuilleadh eolais faoi Parlamentarium Simone Veil
Bailiúchán de bhronntanais phrótacail a tugadh do Pharlaimint na hEorpa
Bailíonn an taispeántas seo bronntanais a tugadh do Pharlaimint na hEorpa leis na deicheanna de bhlianta anuas. Cuireann Parlaimint na hEorpa fáilte roimh Chinn Stáit agus aíonna mór le rá eile go minic le linn a seisiún iomlánach, agus is cuid de bhéasaíocht cuairteanna oifigiúla é bronntanais a mhalartú. Is siombail ar chairdeas idir daoine agus tíortha é bronntanais a mhalartú. Is ionann gach réad agus oidhreacht chultúrtha na tíre a thug an bronntanas. Tar agus féach ar an mbailiúchán neamhghnách seo, a tharraingíonn aird ar an ngné uathúil seo den saol parlaiminteach.
Louise Weiss: Eorpach tiomanta
Faigh amach faoi scéal mná a rinne, trína cuid oibre mar fheachtasóir, iriseoir, scríbhneoir agus parlaiminteoir, an smaoineamh Eorpach a chur chun cinn agus a d’imir tionchar suntasach ar an Eoraip. Sa lá atá inniu ann, tá a hainm ar phríomhfhoirgneamh Pharlaimint na hEorpa in Strasbourg. Tá an taispeántas ar fáil i bhFraincis, Gearmáinis agus Béarla ar an láthair, nó i 24 theanga trí chód QR.
Tuilleadh eolais faoi Louise Weiss
Dearbhú Schuman
Foghlaim faoi Dhearbhú Schuman, ó na fadhbanna a tháinig chun cinn san Eoraip in 1950 go dtí an fear ar fuair an dearbhú stairiúil sin a ainm uaidh. Míníonn an taispeántas seo an chúis a gceiliúraimid Lá na hEorpa an 9 Bealtaine agus an chúis go bhfuil Parlaimint na hEorpa lonnaithe in Strasbourg. Tá sé ar fáil i bhFraincis, Gearmáinis agus Béarla ar an láthair, nó i 24 theanga trí chód QR.
Tuilleadh eolais faoi Dhearbhú Schuman
Imeachtaí
Tarlaíonn mór-imeachtaí i bParlaimint na hEorpa i gcaitheamh na bliana. Ina measc tá Lá na hEorpa i mí Bealtaine, Searmanas Ghradam Lucht Féachana LUX i mí an Mheithimh, Laethanta Oidhreachta i mí Mheán Fómhair, agus Searmanas Dhuais Sakharov i mí na Nollag. Is féidir leat páirt a ghlacadh sna himeachtaí seo mar chuairteoir agus taobh eile de Pharlaimint na hEorpa a fheiceáil. Coimeád súil ar an leathanach seo chun eolas a fháil ar na himeachtaí atá ar na bacáin.
Eagraíonn Parlaimint na hEorpa in Strasbourg imeachtaí ar líne go rialta agus buaileann sí le heagraíochtaí na sochaí sibhialta ón réigiún. Cláraigh do lecheile.eu chun bheith ar an eolas láithreach nuair a eagrófar na chéad imeachtaí eile.
