Is éard is ionaid Europa Experience ann ná spásanna ilmheán ar fud na hEorpa ina bhfuil uirlisí idirghníomhacha a thugann léargas díreach agus spéisiúil duit ar an gcaoi a n-oibrímid le chéile ar an leibhéal Eorpach chun dul i ngleic leis na dúshláin is tábhachtaí sa lá atá inniu ann.
In ionaid Europa Experience ar fud an Aontais Eorpaigh, cuirtear ar do chumas féachaint ar an gcaoi a n-oibríonn Eorpaigh le chéile chun dul i ngleic leis na dúshláin is tábhachtaí atá roimh an Aontas. Bain úsáid as uirlisí ilmheán ceannródaíocha chun a fháil amach conas a oibríonn an tAontas Eorpach, conas a théann sé i bhfeidhm ar do shaol laethúil agus conas is féidir leat difear a dhéanamh.
Tá gach cuairt ar ionaid Europa Experience saor in aisce agus ar fáil i ngach ceann de 24 theanga oifigiúla an Aontais Eorpaigh. Féach a bhfuil ag fanacht leat in ionaid Europa Experience.
Aimsigh do bhealach ar fud léarscáil na hEorpa agus faigh amach faoina bhfuil bainte amach againn go dtí seo agus faoi na dúshláin atá os ár gcomhair anois.
Tar ar thuras linn agus foghlaim faoin Eoraip, a cuid institiúidí agus conas is féidir linn dul i ngleic le dúshláin na hEorpa ar bhealach níos fearr agus ár dtodhchaí choiteann a mhúnlú.
Cuir aithne ar na Feisirí tofa de Pharlaimint na hEorpa agus ar na Coimisinéirí.
Glac féinphic, cuir chugat ar ríomhphost é nó roinn le cuairteoirí in ionaid Europa Experience eile ar fud an Aontais Eorpaigh é.
Foghlaim faoin gcaoi a n-oibríonn na trí phríomhinstitiúid de chuid an Aontais Eorpaigh le chéile agus conas is féidir leat do thuairim a léiriú sa phróiseas cinnteoireachta.
Faigh léargas ar shaol Feisire de Pharlaimint na hEorpa agus mar a dhéantar dlíthe an Aontais Eorpaigh sa chluiche seo do dhaltaí atá 14+. Cuir in áirithe é ar shuíomhanna gréasáin Europa Experience
Féach ar scéalta pearsanta shaoránaigh éagsúla na hEorpa agus foghlaim faoin tionchar a bhíonn ag an Aontas Eorpach ar a saol laethúil.
Lean nuacht bheo agus na meáin shóisialta faoi shaincheisteanna reatha a bhfuil na Feisirí de Pharlaimint na hEorpa agus na Coimisinéirí ag dul i ngleic leo faoi láthair.
Agus béim á leagan acu ar an Aontas Eorpach, a chuid institiúidí agus ar na saincheisteanna reatha, tabharfaidh cur i láthair agus seisiún plé do ghrúpaí (20+) freagraí ar do chuid ceisteanna duit. Cuir in áirithe é ar shuíomhanna gréasáin Europa Experience
Cuir eolas ar thosaíochtaí AE ar an leibhéal náisiúnta agus réigiúnach agus foghlaim faoin tionchar atá ag AE ar do thír, agus faoin mbaint atá ag do thír leis an tionscadal Eorpach.