Dar Jean Monnet 

Dar Jean Monnet

Postijiet oħra
Dar Jean Monnet

Dar Jean Monnet hija l-post fejn tista' tiskopri l-ħajja u x-xogħol ta' wieħed mill-arkitetti tal-Ewropa tal-lum. Il-wirja permanenti interattiva tintroduċik ma' Jean Monnet u tħallik tesplora l-kisbiet tiegħu mill-qrib.

L-età tal-udjenza fil-mira L-etajiet kollha
Tul tal-attività Minn sa -
Daqs tal-grupp Minn 10 sa 25
Lingwi disponibbli matul l-attività EN, FR, DE, ES, IT

Dar Jean Monnet

Postijiet oħra
Dar Jean Monnet
L-età tal-udjenza fil-mira L-etajiet kollha
45'-60'
10-25
EN, FR, DE, ES, IT

Dar Jean Monnet f'Bazoches-sur-Guyonne hija mimlija storja: fiha l-istatista ħadem bla heda għal għexieren ta' snin. L-attivitajiet multimedjali tagħha juruk l-impatt ta' Jean Monnet fuq l-Ewropa tal-lum u kif l-istituzzjonijiet Ewropej jaffettwawlek ħajtek.

Din id-dar, li tinsab 45 km fil-Punent ta' Pariġi, kienet post ideali biex Monnet jirtira mill-konfużjoni tal-belt kapitali Franċiża u jiżviluppa l-viżjoni li kellu għall-paċi fl-Ewropa.

Id-dħul huwa bla ħlas u ż-żjarat jieħdu madwar siegħa.

Ħinijiet tal-ftuħ

Mit-Tnejn sal-Ġimgħa Is-Sibt u l-Ħadd
10.00 − 17.00 10.00 − 18.00
Mit-Tnejn sal-Ġimgħa
10.00 − 17.00
Is-Sibt u l-Ħadd
10.00 − 18.00

Il-mużew ikun magħluq: fl-1 ta' Jannar, fl-24, il-25 u l-31 ta' Diċembru.

Viżitaturi individwali

Viżitaturi individwali u gruppi ta' inqas minn 6 persuni m'għandhomx bżonn jibbukkjaw minn qabel biex iżuru l-mużew. Il-viżitaturi jistgħu jgawdu l-wirja bir-ritmu tagħhom, bl-għajnuna tal-gwidi multimedjali disponibbli bil-Franċiż, bl-Ingliż u bil-Ġermaniż.

Żjarat fi gruppi

Il-gruppi ta' aktar minn 10 persuni jridu jibbukkjaw minn qabel, kemm għall-gwida multimedjali kif ukoll għaż-żjarat gwidati.

Iż-żjarat bi gwida multimedjali huma disponibbli bil-Franċiż, bl-Ingliż u bil-Ġermaniż u jridu jiġu bbukkjati mhux inqas minn ġimagħtejn qabel.

Iż-żjarat gwidati huma disponibbli bil-Franċiż, bl-Ingliż, bil-Ġermaniż, bl-Ispanjol u bit-Taljan. Dawn iridu jiġu bbukkjati mill-inqas 4 ġimgħat minn qabel u jistgħu jitfasslu skont l-interessi tal-grupp. Jistgħu jiffukaw fuq varjetà ta' temi mill-Unjoni Ewropea llum sal-perspettiva storika tal-paċi fl-Ewropa.

Jistgħu jiġu organizzati wkoll workshops kreattivi għall-gruppi tal-iskola sabiex l-istudenti jkunu jistgħu jiskopru kwistjonijiet bħaċ-ċittadinanza Ewropea u kif l-Ewropa twieġeb għat-tibdil fil-klima.

Biex tibbukkja żjara fi grupp, jekk jogħġbok ċempel fuq dawn in-numri:
+33 (0)1 34 86 12 43
+32 (0)2 28 41 357

Min kien Jean Monnet?

Jean Monnet twieled u trabba f'familja ta' produtturi tal-cognac u qatta' ħajtu jaħdem bejn pajjiż u ieħor. Minn dejjem kien konvint li n-nies ikunu f'qagħda aħjar meta jingħaqdu flimkien. Huwa beda l-karriera tiegħu fin-negozju tal-familja u aktar tard ħadem fil-finanzi internazzjonali. Matul iż-żewġ Gwerer Dinjija, kien strumentali biex jikkonvinċi lill-Alleati jaħdmu flimkien.

Wara l-1945, Monnet ħadem biex tinstab soluzzjoni permanenti ħalli l-gwerra ma terġax tinbet fit-territorju Ewropew. Bil-ħsieb li r-rivalità bejn Franza u l-Ġermanja tinġieb fi tmiemha, Monnet u Robert Schuman żviluppaw pjan għall-pajjiżi Ewropej biex jaqsmu l-produzzjoni tal-faħam u l-azzar, u dan wassal għall-ħolqien tal-ewwel Komunità Ewropea – il-Komunità Ewropea tal-Faħam u l-Azzar – u witta t-triq għal aktar kooperazzjoni Ewropea.

Sigurtà

Is-sigurtà u s-sikurezza huma prijoritajiet għall-Parlament Ewropew. Għal dik ir-raġuni, hemm fis-seħħ għadd ta’ miżuri ta’ sigurtà fil-binjiet tagħna u madwarhom. Sabiex niżguraw żjara sikura għal kulħadd, nistednuk taqra u tikkonforma ma’ dawn il-miżuri: 

  • Huwa meħtieġ dokument tal-identità validu (karta tal-ID jew passaport) biex tidħol fil-binjiet tal-Parlament Ewropew. Jekk irreġistrajt minn qabel u pprovdejt id-dettalji tad-dokument tal-identità tiegħek, trid iġġib dan l-istess dokument lill-Parlament dakinhar taż-żjara tiegħek. 
  • Il-viżitaturi u l-basktijiet kollha jista’ jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. L-armi tan-nar, is-sustanzi splussivi jew fjammabbli, l-isprays tal-bżar, oġġetti li jaqtgħu u oġġetti oħra li jistgħu jitqiesu bħala armi huma pprojbiti. Skont il-leġiżlazzjoni nazzjonali, ċerti oġġetti pprojbiti jistgħu jingħataw lill-pulizija.
  • L-ebda trolley, bagalja, jew bagalja kbira oħra mhuma permessi fil-binjiet.
  • L-annimali huma permessi fil-bini biss bħala gwidi mħarrġa għall-persuni neqsin mid-dawl jew biex jassistu lill-persuni b’mobbiltà mnaqqsa.
  • Jekk ikun inħareġ pass ta’ aċċess, il-viżitaturi jridu jilbsuh b’mod viżibbli waqt li jkunu fil-binjiet tal-Parlament. 
  • Ir-ritratti u l-iffilmjar huma permessi fiż-żona tal-viżitaturi, iżda huma pprojbiti fiż-żona tas-sigurtà u fil-gallerija tal-Emiċiklu waqt is-sessjonijiet plenarji u anki fir-ristoranti u l-barijiet. Għal aktar informazzjoni, jekk jogħġbok ikkonsulta r-Regoli li Jirregolaw ir-Reġistrazzjonijiet fil-Binjiet tal-Parlament Ewropew.
  • Jekk jibda jdoqq l-allarm tan-nar, oħroġ mill-bini immedjatament mingħajr ma tiġri u segwi l-istruzzjonijiet mogħtija mill-persunal tas-sigurtà u l-voluntiera tal-evakwazzjoni.
  • Għal kwalunkwe emerġenza tas-sikurezza, ċempel 85112 minn kwalunkwe telefown intern. 
  • Xi oqsma huma soġġetti għal sorveljanza bil-vidjo skont il-Politika ta’ Protezzjoni bil-Vidjos tal-Parlament Ewropew.
  • Il-maskra tal-wiċċ mhix obbligatorja. Jekk jixtiequ, il-viżitaturi jistgħu jilbsuha.
  • Jekk ma tkunx qed tħossok tajjeb, jekk jogħġbok ibqa’ d-dar u pposponi ż-żjara tiegħek. Nieħdu pjaċir nilqgħuk lura meta tħossok aħjar. 
     

Aġġornata l-aħħar: 11/2023

Map

Dar Jean Monnet

7 chemin du Vieux Pressoir, Houjarray
78490 Bazoches sur Guyonne
Franza

Kuntatt
Diżabilità motorja

Informazzjoni prattika