Logħba tar-Rwoli – Strasburgu
Fi gruppi politiċi fittizji f'żewġ kumitati, il-parteċipanti jsiru Membri tal-Parlament Ewropew u jinnegozjaw bejniethom biex isawru l-leġiżlazzjoni. Il-parteċipanti jridu jaħdmu flimkien u jieħdu deċiżjonijiet diffiċli hekk kif jaffrontaw kwistjonijiet bħalma huma l-aċċess għall-ilma f'era ta' tibdil fil-klima u l-implikazzjonijiet tal-avvanzi teknoloġiċi.
Il-Logħba tar-Rwoli turi kif tinħoloq il-leġiżlazzjoni Ewropea, mill-konsultazzjonijiet mal-gruppi ta' interess u l-ħolqien ta' alleanzi, sal-ftehim ma' istituzzjonijiet oħra u l-komunikazzjoni mal-mezzi tax-xandir.
Din il-logħba mexxejja ddum bejn sagħtejn u tliet sigħat, hi disponibbli bl-24 lingwa uffiċjali tal-UE, u hija ideali għal gruppi ta' bejn 16 u 32 persuna minn 14-il sena 'l fuq. Trid tibbukkja minn qabel u l-logħba hija b'xejn. Il-logħba ssir mit-Tnejn sal-Ġimgħa, darba filgħodu u darba waranofsinhar.
Wara l-logħba, il-gruppi kollha għandhom ukoll l-opportunità jżuru l-Emiċiklu.
Il-Logħba tar-Rwoli ma ssirx is-Sibtijiet, il-Ħdud u fil-festi pubbliċi. Fl-2024: 01-05/01, 20/02, 29/03, 01/04, 26/04, 01/05, 9/05, 20/05, 15/08, 01/11, 23/12-05/01/2025.
Skopri aktar dwar il-Logħba tar-Rwoli
Wieħed għandu jibbukkja l-parteċipazzjoni fil-Logħba tar-Rwoli mill-inqas ġimagħtejn qabel.
Sigurtà
Il-Parlament Ewropew jipprijoritizza żjara sikura billi jirrispetta s-sikurezza u l-miżuri tas-saħħa pubblika. Il-viżitaturi huma mistiedna jaqraw u jieħdu nota tal-informazzjoni li ġejja, sabiex jiżguraw żjara sikura għal kulħadd:
- Biex tidħol fil-bini tal-Parlament Ewropew, ikollok bżonn dokument tal-identità validu (karta tal-identità jew passaport).
- Il-viżitaturi u l-basktijiet kollha jista' jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. Ma jistgħux jiddaħħlu armi tan-nar, sustanzi splussivi jew fjammabbli, pepper spray, oġġetti li jaqtgħu u oġġetti oħra li jistgħu jitqiesu bħala armi. Bi qbil mal-leġiżlazzjoni nazzjonali Franċiża, ċerti oġġetti pprojbiti jistgħu jingħataw lill-pulizija.
- Jistgħu jittieħdu ritratti u videos fiż-żona tal-viżitaturi, iżda mhux fiż-żona tas-sigurtà u fil-gallerija tal-Emiċiklu waqt is-sessjonijiet plenarji.
- Il-maskra tal-wiċċ mhix obbligatorja. Naturalment, mhux problema jekk il-viżitaturi jixtiequ jilbsu waħda.
- Fid-dħul u matul il-perkors, jinsab disponibbli ġell sanitizzatur tal-idejn. Il-viżitaturi huma mħeġġa jagħmlu użu minnu.
- It-tagħmir u l-materjal kollu (bħal gwidi multimedjali, earphones riutilizzabbli u elementi interattivi tal-wirja), kif ukoll il-faċilitajiet sanitarji pubbliċi u żoni sensittivi oħra (mankijiet u bibien) jitnaddfu fuq bażi regolari.
- Il-kwalità tal-arja hija ssorveljata b'mod kostanti biex tiġi żgurata ventilazzjoni adegwata.
- Jekk għandek sintomi, jekk jogħġbok ibqa' d-dar u pposponi ż-żjara tiegħek. Nieħdu pjaċir nilqgħuk lura meta tħossok aħjar.
Aġġornata l-aħħar: 07/2024
