Il-Parlamentarium jiddeskrivi l-proċess għat-tfassil ta' liġijiet għall-Ewropa kollha, u jispjega l-ħidma tal-Membri tal-Parlament Ewropew biex jingħelbu l-isfidi tal-lum. Il-viżitaturi jistgħu wkoll isiru jafu aktar dwar il-Membri kollha tal-Parlament Ewropew u jikkuntattjawhom. Iż-żjarat huma disponibbli bl-24 lingwa uffiċjali kollha tal-Unjoni Ewropea
| It-Tnejn − is-Sibt | ||
|---|---|---|
| 09.30 − 12.00; 13.00 − 18.00 |
L-aħħar dħul huwa fis-17.00.
Il-Parlament Ewropew ikun magħluq il-Ħdud, fil-ġranet ta' għeluq tal-uffiċċju u fil-festi pubbliċi.
Fl-2021: 14/07, 08/10 – 09/10, 01/11 – 02/11, 23/12 – 01/01/22.
Il-Parlamentarium fi Strasburgu huwa msemmi għal Simone Veil, l-ewwel president wara li bdew l-elezzjonijiet Ewropej u l-ewwel mara li kellha din il-kariga. Bħala superstita tal-Olokawst, il-mandat tagħha bħala President mill-1979 sal-1982 huwa simboliku ferm, u juri l-qawwa tar-rikonċiljazzjoni Ewropea. Il-ġlieda għall-ugwaljanza bejn is-sessi u d-drittijiet tal-bniedem kienet karatteristika ewlenija fil-ħajja ta' Veil, li għamlet kampanji kontra l-inġustizzji li għexet direttament.
Jekk jogħġbok aqra l-miżuri li ġejjin sabiex iżżurna b'moħħok mistrieħ (Updated: 03/06/21):
Biex tidħol fil-bini tal-Parlament Ewropew, ikollok bżonn dokument tal-identità validu (karta tal-identità jew passaport).
Il-viżitaturi u l-basktijiet kollha jista' jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. Ma jistgħux jiddaħħlu armi tan-nar, sustanzi splussivi jew fjammabbli, pepper spray, oġġetti li jaqtgħu u oġġetti oħra li jistgħu jitqiesu bħala armi. Bi qbil mal-leġiżlazzjoni nazzjonali Franċiża, ċerti oġġetti pprojbiti jistgħu jingħataw lill-pulizija.
Jistgħu jittieħdu ritratti u videos fiż-żona tal-viżitaturi, iżda mhux fiż-żona tas-sigurtà u fil-gallerija tal-Emiċiklu waqt is-sessjonijiet plenarji.
Il-Parlament Ewropew huwa impenjat li jtejjeb kostantement l-aċċess għall-persuni b'diżabilità. Jekk inti jew xi ħadd mill-grupp tiegħek għandkom bżonn assistenza speċjali, jekk jogħġbok avżana minn qabel.
Jekk jogħġbok ikkonsulta l-website tal-SNCF (ferrovija Franċiża).