Il-Parlament Ewropew fi Strażburgu – Matul is-sessjoni plenarja
Żjara tal-Parlament Ewropew fi Strażburgu matul is-sessjonijiet plenarji hija mod eċċezzjonali ta' kif tara d-demokrazija fl-azzjoni. Tnax-il darba fis-sena, il-Membri tal-Parlament Ewropew jiltaqgħu fl-Emiċiklu biex jiddibattu u jadottaw liġijiet tal-UE li jaffettwaw il-ħajja ta' miljuni ta' ċittadini. Is-sessjonijiet plenarji huma opportunità unika biex tisma' lir-rappreżentanti tiegħek u lill-mexxejja Ewropej jitkellmu dwar dak li l-UE qiegħda tagħmel biex tindirizza l-aktar kwistjonijiet importanti ta' żminijietna.
Is-sessjonijiet plenarji fi Strażburgu jseħħu mit-Tnejn waranofsinhar sal-Ħamis filgħaxija. Agħti ħarsa lejn il-kalendarju tas-sessjonijiet plenarji.
Iż-żjarat huma dejjem bla ħlas u huma disponibbli bl-24 lingwa uffiċjali tal-Unjoni Ewropea. Il-viżitaturi individwali m'għandhomx għalfejn jibbukkjaw iżda mhux l-istess jgħodd għall-gruppi. Hemm bżonn li l-gruppi jibbukkjaw minn qabel u ż-żjara tkun possibbli biss jekk ikun hemm disponibilità.
Iż-żjarat individwali
Matul is-sessjonijiet plenarji huwa possibbli li tpoġġi fil-gallerija tal-viżitaturi, issegwi d-dibattitu, u żżur il-Parlamentarium Simone Veil u l-wirjiet.
Il-viżitaturi individwali u l-gruppi żgħar ta' inqas minn 20 persuna ma għandhomx għalfejn jibbukkjaw iż-żjara tagħhom. Għadd limitat ta' postijiet ikun disponibbli għal viżitaturi individwali li jkunu jixtiequ jsegwu s-sessjoni għal massimu ta' 30 minuta. Id-dħul huwa abbażi ta' min jiġi l-ewwel jinqeda l-ewwel.
Iż-żjarat individwali
Matul is-sessjonijiet plenarji huwa possibbli li tpoġġi fil-gallerija tal-viżitaturi, issegwi d-dibattitu, u żżur il-Parlamentarium Simone Veil u l-wirjiet.
Tista' anki tesplora l-kumplament tal-bini bir-ritmu tiegħek permezz ta' gwida multimedjali disponibbli bl-24 lingwa uffiċjali tal-Unjoni Ewropea. Tista' anki tniżżel l-applikazzjoni ta' gwida multimedjali "EP Visit Strasbourg" qabel iż-żjara tiegħek minn fuq l-App Store u l-Play Store.
Il-viżitaturi individwali u l-gruppi żgħar ta' inqas minn 20 persuna ma għandhomx għalfejn jibbukkjaw iż-żjara tagħhom. Għadd limitat ta' postijiet ikun disponibbli għal viżitaturi individwali li jkunu jixtiequ jsegwu s-sessjoni għal massimu ta' 30 minuta. Id-dħul huwa abbażi ta' min jiġi l-ewwel jinqeda l-ewwel.
Il-ħinijiet tal-ftuħ
| It-Tnejn | It-Tlieta u l-Erbgħa | |
|---|---|---|
| 09:30 − 12:00*; 17:00 − 18:00 | 09:00 − 12:00; 15:00 − 18:00 |
| Il-Ħamis | Il-Ġimgħa* | |
|---|---|---|
| 09:00 − 12:00 | 09:00 − 18:00 |
*Nhar ta' Tnejn filgħodu (09:30 − 12:00) u nhar ta' Ġimgħa (09:00 − 18:00), matul il-ġimgħat tal-plenarja, iż-żjarat individwali huma possibbli bi gwida multimedjali mingħajr ma tibbukkja minn qabel. Madankollu, waqt dawn il-ħinijiet ma jseħħux dibattiti fl-Emiċiklu.
Il-binja tkun magħluqa nhar ta' Ħadd u fil-ġranet li ġejjin – 2024: 01-05/01, 20/02, 29/03, 01/04, 26/04, 01/05, 9/05, 20/05, 15/08, 01/11, 23/12-03/01/2025.
Iż-żjarat fi grupp
Il-gruppi (20 sa 100 persuna) jistgħu jorganizzaw żjara fil-Parlament Ewropew matul is-sessjoni plenarja bl-24 lingwa uffiċjali tal-Unjoni Ewropea. Iż-żjarat fi grupp għandhom jiġu bbukkjati 2-3 xhur minn qabel u l-possibbiltà li dawn iseħħu tkun tiddependi mid-disponibilità.
Il-gruppi jistgħu jattendu għal preżentazzjoni minn membru tal-persunal, imbagħad sessjoni ta' mistoqsijiet u tweġibiet, u jaraw id-dibattitu fil-plenarja mill-gallerija tal-viżitaturi tal-Emiċiklu għal 30 minuta. Huwa wkoll possibbli li tiġi organizzata laqgħa ma' Membru tal-Parlament Ewropew, iżda trid issir talba għal dan u l-laqgħa tkun possibbli jekk ikun hemm id-disponibilità.
Il-gruppi jistgħu jżuru l-Parlamentarium Simone Veil u l-wirjiet qabel jew wara ż-żjara tal-Emiċiklu.
Il-ħinijiet tal-ftuħ
| It-Tnejn | It-Tlieta u l-Erbgħa | Il-Ħamis |
|---|---|---|
| 14:30 − 18:00 | 08:30 − 18:00 | 08:30 – 12:30 |
Il-Mafkar Alsace-Moselle f'Schirmeck
Il-gruppi li jżuru l-Parlament Ewropew fi Strażburgu jistgħu jżuru wkoll il-Mafkar Alsace-Moselle f'Schirmeck bla ħlas matul l-istess ġimgħa taż-żjara tagħhom. Biex jibbenefikaw minn dħul bla ħlas, il-gruppi jridu jippreżentaw il-konferma tal-booking.
Għal aktar informazzjoni dwar is-sessjonijiet plenarji
L-aċċessibbiltà
Il-Parlament Ewropew huwa impenjat li jtejjeb kostantement l-aċċess għall-persuni b'diżabilità. Jekk inti jew xi ħadd mill-grupp tiegħek għandkom bżonn assistenza speċjali, jekk jogħġbok avża lis-servizz tal-viżitaturi minn qabel:
Il-faċilitajiet
Il-vestjarju, li jinsab fl-entratura tal-viżitaturi eżatt wara l-kontroll tas-sigurtà, ikun disponibbli biss matul is-sessjonijiet fil-plenarja.
Hemm kafetterija miftuħa fiż-żona tal-viżitaturi. Il-gruppi jistgħu jibbukkjaw billi jikkuntattjaw lil restauration-reservation-strasbourg@ext.europarl.europa.eu minn qabel.
Sigurtà
Is-sigurtà u s-sikurezza huma prijoritajiet għall-Parlament Ewropew. Għal dik ir-raġuni, hemm fis-seħħ għadd ta’ miżuri ta’ sigurtà fil-binjiet tagħna u madwarhom. Sabiex niżguraw żjara sikura għal kulħadd, nistednuk taqra u tikkonforma ma’ dawn il-miżuri:
- Huwa meħtieġ dokument tal-identità validu (karta tal-ID jew passaport) biex tidħol fil-binjiet tal-Parlament Ewropew. Jekk irreġistrajt minn qabel u pprovdejt id-dettalji tad-dokument tal-identità tiegħek, trid iġġib dan l-istess dokument lill-Parlament dakinhar taż-żjara tiegħek.
- Fotokopji tal-karti tal-identità u tal-liċenzji tas-sewqan mhumiex aċċettati.
- Minorenni taħt l-14-il sena jeħtiġilhom ikunu akkumpanjati minn adult.
- Il-viżitaturi u l-basktijiet kollha jista’ jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. L-armi tan-nar, is-sustanzi splussivi jew fjammabbli, l-isprays tal-bżar, oġġetti li jaqtgħu u oġġetti oħra li jistgħu jitqiesu bħala armi huma pprojbiti. Skont il-leġiżlazzjoni nazzjonali, ċerti oġġetti pprojbiti jistgħu jingħataw lill-pulizija.
- L-ebda trolley, bagalja, jew bagalja kbira oħra mhuma permessi fil-binjiet.
- L-annimali huma permessi fil-bini biss bħala gwidi mħarrġa għall-persuni neqsin mid-dawl jew biex jassistu lill-persuni b’mobbiltà mnaqqsa.
- Jekk ikun inħareġ pass ta’ aċċess, il-viżitaturi jridu jilbsuh b’mod viżibbli waqt li jkunu fil-binjiet tal-Parlament.
- Ir-ritratti u l-iffilmjar huma permessi fiż-żona tal-viżitaturi, iżda huma pprojbiti fiż-żona tas-sigurtà u fil-gallerija tal-Emiċiklu waqt is-sessjonijiet plenarji u anki fir-ristoranti u l-barijiet. Għal aktar informazzjoni, jekk jogħġbok ikkonsulta r-Regoli li Jirregolaw ir-Reġistrazzjonijiet fil-Binjiet tal-Parlament Ewropew.
- Jekk jibda jdoqq l-allarm tan-nar, oħroġ mill-bini immedjatament mingħajr ma tiġri u segwi l-istruzzjonijiet mogħtija mill-persunal tas-sigurtà u l-voluntiera tal-evakwazzjoni.
- Għal kwalunkwe emerġenza tas-sikurezza, ċempel 33112 minn kwalunkwe telefown intern.
- Xi oqsma huma soġġetti għal sorveljanza bil-vidjo skont il-Politika ta’ Protezzjoni bil-Vidjos tal-Parlament Ewropew.
- Il-maskra tal-wiċċ mhix obbligatorja. Jekk jixtiequ, il-viżitaturi jistgħu jilbsuha.
- Jekk ma tkunx qed tħossok tajjeb, jekk jogħġbok ibqa’ d-dar u pposponi ż-żjara tiegħek. Nieħdu pjaċir nilqgħuk lura meta tħossok aħjar.
Aġġornata l-aħħar: 10/2024
