Iċ-Ċentru tal-Viżitaturi fil-Lussemburgu  

Il-Lussemburgu, fejn kien hemm l-ewwel Emiċiklu li nbena għall-Parlament Ewropew, illum jospita l-biċċa l-kbira tal-makkinarju amministrattiv essenzjali li jżomm l-istituzzjoni għaddejja.

Is-servizzi tal-Parlament Ewropew ibbażati fil-binja Konrad Adenauer fil-Lussemburgu jinkludu partijiet mill-Kabinett tas-Segretarju Ġenerali tal-Parlament Ewropew, is-Servizz Legali, u s-Servizzi tat-Traduzzjoni, tar-Riżorsi Umani, tal-Infrastruttura u l-Loġistika, tal-Finanzi, tas-Sostenn Teknoloġiku, tas-Sigurtà u s-Servizzi ta’ Riċerka.

Peress li dan is-sit huwa bini amministrattiv, mhuwiex possibbli li jiġu offruti żjarat tal-post bħalma jsiru fi Brussell u fi Strażburgu. Madankollu, iċ-ċentru tal-viżitaturi Europa Experience, fil-binja Konrad Adenauer, huwa miftuħ għall-individwi u l-gruppi.

Skopri l-attivitajiet tagħna u ċċekkja l-kalendarju għall-jiem tal-għeluq fuq Europa Experience Luxembourg.