Ionad Cuairteoirí Lucsamburg  

San áit inar tógadh an chéad Seomra Tionóil do Pharlaimint na hEorpa, faightear anois i Lucsamburg cuid mhaith den innealra riaracháin atá bunriachtanach chun an institiúid a choimeád ag feidhmiú.

Áirítear ar sheirbhísí Pharlaimint na hEorpa atá lonnaithe i bhfoirgneamh Konrad Adenauer i Lucsamburg codanna de Cabinet Ard-Rúnaí Pharlaimint na hEorpa, an tSeirbhís Dlí agus seirbhísí Aistriúcháin, Acmhainní Daonna, Bonneagair agus Lóistíochta, Airgeadais, Tacaíochta Teicneolaíche, Slándála agus Taighde.

Ós rud é gur foirgneamh riaracháin é an suíomh seo, ní féidir cuairt a thabhairt ar an áitreabh, murab ionann agus sa Bhruiséil agus in Strasbourg. Mar sin féin, tá ionad cuairteoirí Europa Experience, i bhfoirgneamh Konrad Adenauer, ar oscailt do dhaoine aonair agus do ghrúpaí.

Faigh amach faoinár ngníomhaíochtaí agus seiceáil an féilire le haghaidh laethanta dúnta ar Europa Experience Lucsamburg.