Cluiche Rólghníomhaíochta – An Bhruiséil
Tá an cluiche rólghníomhaíochta ceaptha le haghaidh daltaí meánscoile idir 16 agus 25 bliana d’aois, agus taispeánann sé dóibh an próiseas ina gcaibidlítear reachtaíocht an Aontais Eorpaigh. Roinntear lucht na rólghníomhaíochta i ngrúpaí polaitiúla samhailteacha agus cuireann siad iad féin in áit Fheisirí Pharlaimint na hEorpa. Trí dhíospóireacht a dhéanamh ar shaincheisteanna agus téamaí reatha, foghlaimíonn siad conas a chruthaítear reachtaíocht an Aontais Eorpaigh agus conas a chruthaítear todhchaí na hEorpa.
Nochtann an cluiche rólghníomhaíochta an próiseas reachtach ina iomláine, idir dhul i gcomhairle le grúpaí sainleasa agus comhaontais a dhéanamh agus chaibidliú le hinstitiúidí eile agus labhairt leis na meáin.
Maireann an cluiche 2 ½ uair an chloig; ní mór e a cur in áirithe roimh ré agus tá sé saor in aisce.
Ós rud é go bhfuil ardéileamh ar na cluichí, moltar réamháirithint a dhéanamh ar an gcluiche rólghníomhaíochta ar 4 mhí roimh ré ar a laghad.
Dúntar an Parlamentarium: an 1 Eanáir / an 1 Bealtaine / an 1 Samhain / agus an 24, 25, 31 Nollaig.
Faigh tuilleadh faisnéise faoin gCluiche Rólghníomhaíochta
Slándáil
Cuireann Parlaimint na hEorpa tús áite ar conair shábáilte as aird a thabhairt ar treoirlínte sábhála agus sláinte phoiblí. Iarrtar ar gcuairteoirí an eolas seo a leanas a léamh agus a thabhairt faoi deara le chinntiú go bhfuil dea-chuairt ag gach duine:
- Déanfar seiceálacha slándála i stíl aerfoirt ar gach cuairteoir agus ar gach mála roimh dhul isteach. Tá cosc ar airm thine, substaintí pléascacha nó inadhainte, spraeanna piobair, nithe géara agus rudaí eile a d’fhéadfaí iad a mheas mar airm. I gcomhréir le reachtaíocht náisiúnta na Beilge, d’fhéadfaí nithe áirithe a bhfuil cosc orthu a thabhairt ar láimh do na póilíní.
- Tá glóthach dífhabhtaithe ar fáil ag an mbealach isteach agus ar fud na conaire. Moltar do chuairteoirí é a úsáid.
- Déantar gach trealamh agus ábhar (mar a dhéantar leis na treoraithe meán pearsanta agus eilimintí taispeántais idirghníomhacha) chomh maith leis na háiseanna sláintíochta poiblí agus limistéir íogaire eile (hanlaí, doirse, taisceadáin) a ghlanadh go rialta.
- Níl sé riachtanach masc aghaidhe a chaitheamh. Ceadaítear gan amhras do chuairteoirí masc aghaidhe a chaitheamh más mian leo ceann a chaitheamh.
- Más rud é go bhfuil siomptóim agat, moltar fanacht sa bhaile agus do chuairt a chur ar athló. Beidh áthas orainn fáilte a chur romhat ar ais nuair a bheidh tú ar do sheanléim arís.
An leagan is deireanaí: 07/2024
An Parlamentarium
Esplanade Solidarność 1980
Rue Wiertz / Wiertzstraat 60
B-1047 An Bhruiséil
An Bheilg
Conas an áit a bhaint amach
Freastalaíonn stáisiún na Bruiséile-Lucsamburg ar Pharlaimint na hEorpa.
