Żjara fl-Emiċiklu fi Brussell waqt il-coronavirus 

Żjara fl-Emiċiklu ta' Brussell waqt il-pandemija

Brussell
Emiċiklu
 

Ittieħdu diversi miżuri ta' iġjene u sikurezza biex ikunu jistgħu jsiru żjarat fl-Emiċiklu waqt il-pandemija tal-coronavirus. Aqra l-informazzjoni bir-reqqa biex tħejji ruħek għaż-żjara tiegħek.

30'-90'
10-100
24

Żjara fl-Emiċiklu ta' Brussell waqt il-pandemija

Brussell
Emiċiklu
 
 

Kuntenti li nilqgħuk fl-Emiċiklu tal-Parlament Ewropew! Tista' żżur is-sala impressjonanti tal-plenarja li tintuża għall-akbar u l-aktar dibattiti importanti tal-Parlament Ewropew.

Miżuri ta' iġjene waqt iż-żjara

Sabiex tiġi żgurata żjara sikura u pjaċevoli għal kulħadd, il-viżitaturi huma ġentilment mitluba josservaw il-miżuri li ġejjin:

  • Fid-dħul u matul il-perkors kollu, ikun hemm ġell diżinfettanti għad-dispożizzjoni tal-viżitaturi. Il-viżitaturi huma mħeġġa jużawh matul iż-żjara tagħhom.
  • Isir kontroll tas-sigurtà mad-dħul.
  • Hemm ukoll vestjarju self-service mhux sorveljat għad-dispożizzjoni tal-viżitaturi. Barra minn hekk, il-viżitaturi huma ġentilment mitluba jġorru magħhom l-inqas ammont ta' oġġetti personali possibbli.
  • Il-viżitaturi individwali jiġu offruti gwidi multimedjali portabbli matul iż-żjara kollha. Sabiex jitnaqqas kemm jista' jkun ir-riskju ta' kontaminazzjoni, hemm disponibbli apparat għas-smigħ li jintremew għal kull viżitatur. Madankollu, inħeġġu lill-viżitaturi jġibu l-earphones personali tagħhom. Il-gwidi multimedjali jiġu diżinfettati meta jitqassmu. Jekk tippreferi, tista' wkoll tniżżel il-kontenut tal-gwida multimedjali qabel il-bidu taż-żjara tiegħek fuq l-apparat personali tiegħek. L-app "EP Visit" issibha fl-Apple Store u fuq Google Play.
  • It-tagħmir u l-materjal kollu (bħall-gwidi multimedjali personali) kif ukoll il-faċilitajiet sanitarji pubbliċi u żoni sensittivi oħra (bħall-mankijiet u l-bibien) jitnaddfu fuq bażi regolari.

X'tista' tagħmel aktar biex tipproteġi lilek innifsek u lil viżitaturi oħra?

  • Jekk il-viżitaturi jħossuhom ma jifilħux jew inkella kellhom kuntatt riċenti (matul l-aħħar 14-il jum) ma' persuna marida, iż-żjara għandha tiġi posposta.
  • Il-viżitaturi għandhom jaħslu idejhom sikwit bis-sapun u bl-ilma.
  • Jekk jisogħlu jew jagħtsu, il-viżitaturi għandhom jagħmlu dan f'maktur tal-karti ġdid kull darba, u jarmu l-maktur tal-karti użat f'landa taż-żibel magħluqa. F'każ li ma jkollhomx maktur tal-karti, għandhom jisogħlu jew jagħtsu fin-naħa ta' ġewwa ta' minkbejhom.

 

Għal aktar informazzjoni dwar il-COVID-19 u l-miżuri ta' prevenzjoni fil-Belġju, żur is-sit www.info-coronavirus.be

Il-Parlament Ewropew qed isegwi s-sitwazzjoni kontinwament u jadatta l-miżuri tiegħu skont il-bżonn.