L-Arti u d-Demokrazija
Il-wirja tesplora r-relazzjoni bejn l-arti u d-demokrazija permezz ta’ għażla ta’ opri tal-arti mill-Kollezzjoni tal-Arti Kontemporanja tal-Parlament Ewropew. L-opri tal-arti minn pajjiżi Ewropej differenti joffru interpretazzjoni personali ta’ aspetti differenti tad-demokrazija. Dawn jenfasizzaw ir-rilevanza tad-demokrazija għad-diversità, għall-inklużività, u għal-libertà tal-espressjoni.
Ħalli din il-wirja tispirak biex tirrifletti fuq ir-rabta importanti bejn l-arti u d-demokrazija, tistimula d-djalogu, u trawwem fehim aktar profond tar-rwol li l-arti taqdi fit-tiswir tal-valuri demokratiċi u tas-soċjetà demokratika tagħna.
Il-wirja “L-Arti u d-Demokrazija”, li tinkludi opri tal-arti mill-Kollezzjoni tal-Arti Kontemporanja tal-Parlament Ewropew, tesplora diversi komponenti tad-demokrazija u tipprova tiskopri għaliex dawn il-valuri huma tant importanti għas-soċjetà tagħna. Ifakkarna wkoll li ċ-ċittadini Ewropej għandhom rwol fid-difiża tad-demokrazija billi jivvutaw fl-elezzjonijiet li ġejjin.
Il-wirja “L-Arti u d-Demokrazija” tista’ ssirilhom żjara fil-Parlamentarium fi Brussell sas-7 ta’ Jannar 2024 u bħala parti minn żjara fl-Emiċiklu fi Brussell sal-aħħar ta’ Ġunju 2024.
Il-wirja sħiħa hija disponibbli wkoll b’24 lingwa fuq is-sit web iddedikat, li jinkludi kit pedagoġiku għall-edukaturi b’24 lingwa, li jippermetti lill-għalliema jagħtu l-ħajja lis-suġġett fil-klassi u jistiednu lill-istudenti jirriflettu dwar id-demokrazija u xi tfisser għalihom permezz ta’ diversi attivitajiet artistiċi.
Iż-żjarat iggwidati
Iż-żjarat iggwidati huma disponibbli bl-Ingliż, bil-Franċiż, bl-Olandiż, bil-Ġermaniż, bl-Ispanjol, bit-Taljan, bil-Portugiż u biċ-Ċek.
Guided tours: 2 April to 31 May
no tours between 22-26 April
| Monday | Wednesday | Friday |
|---|---|---|
| 16:30 - 17:15 | 16:30 - 17:15 | 12:15 - 13:00 |
